Baş infeksionist:"Çimərliklərin açılması üçün tədbirlər sistemi hazırlanır"

 

Son bir həftədir ki, ölkədə "COVİD-19"a yoluxanların sayında azalma müşahidə olunur. Əgər bundan əvvəl yoluxma sayı 500-550-dən aşağı düşmürdüsə, artıq bir həftədir ki, bu rəqəm 400-dən aşağıdır. Bu günün statistikasına görə isə ölkədə 332 yoluxma faktı aşkarlanıb.

Bəs bu cür azalma dinamikası bundan sonra da davam edə bilərmi?

Mövzu ilə bağlı ölkənin baş infeksionisti Cəlal İsayev Musavat.com-a danışıb:

"Çox sevindirici haldır ki, son vaxtlar ölkəmizdə koronavirusa yoluxanların sayında azalmalar var. Vəziyyət bu cür davam edərsə, karantin rejimində də yumşalmalar olar. Yəni bu bizim özümüzdən, qaydalara riayət etməyimizdən asılıdır.
Bundan əvvəl də ölkədə virusa yoluxanların sayında azalmalar oldu, karantin rejimi yumşaldıldı. Nəticədə virusa yoluxma kəskin şəkildə artdı. Bu səbəbdən ehtiyatlı davranmalıyıq".

Qeyd edək ki, tibb elmləri doktoru, professor Adil Qeybulla bu günlərdə açıqlamasında bildirmişdi ki, payız aylarından başlayaraq virus zəifləməyə başlayacaq.

Müsahibimizbu məsələyə də münasibət bildirib:

"Virusun bundan sonrakı davranışı haqqında dəqiq proqnoz vermək mümkün deyil. Ola bilər ki, payız aylarında virus zəifləməyə başlasın. Lakin bunun əksi də mümkündür, yəni virus sürətlə yayıla bilər. Bunun baş verməməsi üçün hər zaman karantin qaydalarına ciddi cəhdlə əməl etməliyik".

Baş infeksionist yaxın vaxtlarda çimərliklərlə bağlı qadağanın da aradan qaldırıla biləcəyini deyib:

"Çimərliklərin açılması məsələsi mübahisəli olaraq qalır. Məlumata görə, çimərliklərin yaxın vaxtlarda açılması üçün Bakı şəhər İcra Hakimiyyəti və Fövqəladə Hallar Nazirliyi bu barədə söhbətlər apararaq tədbirlər sistemi hazırlamağa cəhd edirlər. Hesab edirəm ki, ölkədə yoluxma sayı azalma dinamikası ilə davam edərsə, bu məsələ də öz həllini tapar".

Cəlal İsayev son vaxtlar koronavirusdan ölənlərin sayının artması məsələsinə də toxunub:

"Uzun müddət idi ki, yoluxanların sayı yüksək rəqəmlərlə müşahidə olunurdu. Təbii ki, yoluxma sayı çox olanda ağır xəstələrin də sayı artır və beləliklə, ölüm faktları da artmış olur. Azalma dinamikası davam etdikcə yoluxanların, eləcə də ağır xəstələrin və ölənlərin sayı azalacaq".

Xatırladaq ki, bu gün Azərbaycanda koronavirus infeksiyasına 332 yeni yoluxma faktı qeydə alınıb, 573 nəfər müalicə olunaraq sağalıb və evə buraxılıb.
"COVID-19" üçün götürülən analiz nümunələri müsbət çıxmış 9 nəfər vəfat edib. İndiyədək ölkədə ümumilikdə 29 312 nəfərin koronavirus infeksiyasına yoluxması faktı müəyyən edilib, onlardan 21 547 nəfər müalicə olunaraq sağalıb, 400 nəfər vəfat edib, 7 365 nəfərin xüsusi rejimli xəstəxanalarda müalicəsi davam etdirilir.
Son sutka ərzində yeni yoluxma hallarının müəyyənləşdirilməsi ilə əlaqədar 9 037, ötən müddət ərzində isə ümumilikdə 667 819 test aparılıb.

Xalidə Gəray, musavat.com

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300