Avropa Birliyinin komissiya rəhbəri Macarıstanı hədələdi

Avropa Birliyinin komissiya rəhbəri Ursula fon der Leyen Macarıstan hakimiyyətini fövqəladə vəziyyət rejimindən sui-istifadə etməməyə çağırıb və qəti şəkildə xəbərdarlıq edib.

Musavat.com xarici agentliklərə istinadən xəbər verir ki, Birliyin ən yüksək rütbəli məmuru bu sözlərini Almaniyanın "Bild am Sonntag” qəzetinə verdiyi müsahibədə səsləndirib.

"Əgər macar hakimiyyəti izn verilən hüdudlardan kənara çıxsa, mən bütün tədbirləri görəcəyəm. Rəsmi Budapeştin hərəkətləri artıq Avropa Birliyinin qəbul etdiyi prinsip və qaydaları pozur”, - deyə o, qeyd edib.

Ursula fon der Leyenin sözlərinə görə, AB-yə üzv olan dövlətlər öz səhrədləri daxilində pandemiya şərtlərində fövqəladə rejim tətbiq etmək haqları var. Lakin bu tədbirlər şərtlərinə görə ölçülü, zamanına görə məhdud olmalı və demokratik institutların nəzarəti altında həyata keçirilməlidir. AB Komissiyasının sədri qurumun üzv ölkələrin hamısında bu prinsiplərə əməl olunmasına nəzarət etdiyini vurğulayıb. O, rəsmi Brüsselin Macarıstanda Viktor Orban hakmiyyətinin keçmişdə avtoritar meylli əməllərinə görə acı təcrübəsini nəzərə alaraq buraya xüsusi diqqət ayırdığını sözlərinə əlavə edib.

Qeyd etmək lazımdır ki, bu ilin mart ayının 30-da Macarıstan parlamenti baş nazir Viktor Orbanın rəhbərliyindəki kabinetə fövqəladə vəziyyət rejimində xüsusi səahiyyətlər verən qanun layihəsini qəbul edib. Sənədə əsasən, baş nazir və hakim "FİDES-Macarstan vətəndaş birliyi” partiyasının rəhbəri V.Orban ölkəni bundan sonra icraedici sərəncam və dekretlərlə təkbaşına idarə etmək hüququ qazanıb. Onun hökuməti parlamentin razılığı olmadan fövqəladə rejimi istənilən vaxt uzada biləcək.

Bundan başqa qanun Nazirlər kabinetinə müəyyən qanunların icrasını dayandırmağa, habelə "COVİD-19” pandemiyası ilə mübarizədə "başqa müstəsna tədbirlər” görməyə, o cümlədən karantin rejimini pozanlara qarşı cəzaları təkbaşına sərtləşdirməyə, koronavirusla bağlı "yalan hesab etdiyi informasiyaları” yayanlara xüsusi sanksiyalar həyata keçirməyə imkan yaradıb.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300