Afrikada koronavirusa görə 20 milyona yaxın iş yeri bağlana bilər

 

Afrika iqtisadiyyatının koronavirus pandemiyasının təsiri səbəbindən bu il azalacağına görə qitədə 20 milyona yaxın iş yeri təhlükə altındadır

"APA-Economics" bu barədə Afrika İttifaqının mütəxəssisləri tərəfindən aparılan araşdırmaya istinadən xəbər verir.

Araşdırmaların nəticələrinə görə, realistik ssenariyə əsasən, tədqiqatçılar Afrika iqtisadiyyatının 0,8% azalacağını proqnozlaşdırır. Pessimistik ssenari isə iqtisadiyyatın 1,1% azalacağını nəzərdə tutur. Bununla yanaşı, Afrika birbaşa xarici investisiyaların 15%-ni itirə bilər.

"Vəziyyət bu cür davam edərsə, həm rəsmi, həm də qeyri-rəsmi sektorlarda 20 milyona yaxın iş yeri ləğv oluna bilər", - tədqiqatda deyilir.

Afrika ölkələri büdcə gəlirlərinin 20-30%-ni itirə bilər, eyni zamanda COVID-19 virusunun yayılmasına qarşı mübarizə dövlət xərclərini ən azı 130 mlrd. ABŞ dolları artıracaq. Bununla yanaşı, ixrac və idxalın 2019-cu illə müqayisədə ən azı 35% azalacağı gözlənilir.

Neftin ucuzlaşması fonunda ən çox zərər çəkəcək ölkələr neft istehsalçıları olacaq. Təkcə Nigeriya və Anqola gəlirlərin 65 mlrd. dollarını itirə bilər. Bu il Afrika neft ixracatçılarının büdcə kəsirinin iki dəfə artacağı, onların iqtisadiyyatı isə orta hesabla 3% azalacağı gözlənilir.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300