sitename

              Baba Rzayev Zeytunluqda obyekt tikir– FOTO

 

Zeytunluq boyda bir ərazidə bu ağac qətliamını Binəqədi rayon İcra Hakimiyyətinin, əlaqədar dövlət qurumlarının icazəsi, olmadan aparmaq faktiki olaraq mümkün deyil

Binəqədi rayonu ərazisində növbəti ekoloji terror yaşanır. Yaz fəsli gələr gəlməz rayonun 6-cı mikrorayon ərazisinin qərb hissəsində Zeytunluq adlanan yerdə ağacların kütləvi kəsilməsinə start verilib. Qeyd olunan ərazidə olarkən dəhşətə gəldik-təbiətə bu qədər dəhşətli dərəcədə divan tutmaq, yaşıllıqlara düşmən münasibət bəsləmək hardan qaynaqlanır görəsən? Dövlət yeni-yeni yaşıllıq zolaqları salmaq üçün milyonlarla vəsait sərf etdiyi halda illərdir qorunub saxlanılan yaşıllıqları bir andaca hansısa maraqlar naminə məhv etməyə nə ad vermək olar?

 

Elchi.az saytına daxil olan məlumata görə qeyd olunan ərazidə "Azərenerji” ASC tərəfindən bir müddət əvvəl 110 kv-lıq yüksək gərginlikli yeraltı kabel xəttinin yerinin dəyişdirilməsi ilə əlaqədar müvafiq işlər aparılıb. Bu barədə "Azərenerji” ASC-nin vitse-prezidenti Ziyəddin Quliyevə Bakı şəhər İH Yaşıllaşdırma Təsərrüfatı Birliyinin baş direktoru Elşən Məmmədzadənin imzası ilə məktub da göndərilib. Həmin məktubda bildirilir ki, "Həmin ərazidən 110 kv-lıq yüksək gərginlikli yeraltı kabel xəttinin çəkilməsinin vacibliyini nəzərə alaraq ərazidə olan ağacların qorunması (zədələnməməsi) şərti ilə işin aparılmasına etiraz etmirik.”

 

Ərazidə olarkən bir daha şahidi olduq ki, bu məktublaşma quru rəsmiyyətdən başqa bir şey deyilmiş. Çünki, Zeytunluq adlanan ərazidə zeytunluqdan əsaər-əlamət qalmamışdı. Ərazi zeytunluqdan daha çox döyüş meydanını xatırladırdı. Çoxillik ağaclar vandalcasına məhv edilmiş, kökündən çıxarılmışdı. Bir zamanlar yaşıllıq olan ərazidə indi traktorların altını üstünə çevirdikləri quru torpaq sahəsi var. Aydın şəkildə görünür ki, ərazi əslində obyekt tikintisi üçün hazırlanıb. Rubrika.az saytının araşdırmasına görə yaxın zamanlarda burada böyük bir obyektin inşasına başlanacaq.

 

Təbii ki, bu "yaşıl terrorun” özbaşına,gizlin aparılmasına heç baxça uşaqlarını da inandırmaq mümkün deyil. Zeytunluq boyda bir ərazidə bu ağac qətliamını Binəqədi rayon İcra Hakimiyyətinin,əlaqədar dövlət qurumlarının icazəsi,”xeyir-duası” olmadan aparmaq faktiki olaraq mümkün deyil. Maraqlıdır ki, dövlətin maraqlarını qorumağa məsul olan bu qurumlar hansı maraqlar naminə belə bir "ekoloji terror”a göz yumublar. Onsuz da son illər ekoloji problemlərin yaşandığı paytaxt ərazisində böyük bir yaşıllıq ərazini səhraya çevirmək, hansısa şəxsin milyonlar qazanması üçün qurban vermək hansı insafa və əxlaqa sığışır? Yerində aradırma apararkən özünü Mədət adlı şəxs kimi təqdim edən aparılan işlərin ” yuxarı” səviyyədə olduğunu bildirir və "burada kabel xəttinin yalnız yerinin dəyişdirilməsindən başqa söhbət gedə bilməz” deyərək bildirdi."Bir ağacı kəsən elə bilsin ki,mənim qollarımı kəsir” deyən ulu öndərin xatirəsinə beləmi ehtiram göstərirlər? Suallar çoxdur-cavabını isə yəqin ki,əlaqədar təşkilatlar tezliklə verəcəklər!

Elchi.az-ın etibarlı mənbələrdən aldığı məlumata görə isə bu hal artıq ərazidə ikinci dəfədir baş verir. Hələ bir neçə il bundan qabaq da kollektor tikmək adı ilə Azərsunun qondarma məktubu ilə yenə də yaşıl qətliam işi aparılmış və nəticədə isə qırılan ağacların yerinə ev tikilmişdi. Ərazidə yaşayan sakinlərin bildirdiyinə görə onda da ortalığa bu tipli qondarma məktub çıxarılmışdı. İndi də deyilənə görə buranı Baba Rzayev üçün təmizləyirlər və qırılmış ağacların yerində restoran tikiləcək. Baba Rzayevin adına deyilənlər inandırıcı görünməsə də fakt faktlığında qalır. Azərenerjinin məktubu əsasında ərazidə kifayət qədər geniş meydan yaradılıb və onlarla ağac gecələr kökündən çıxarılaraq yeri torpaqla doldurulub.

 

 

Araşdırmamız davam edəcək.

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300